16:20 - 19.06.2025

---

19 iyun, Fineko/abc.az. Suriya hökuməti 2011-ci ildə vətəndaş müharibəsi başlayandan bəri ilk dəfə olaraq İtaliya Bankına SWIFT köçürməsi həyata keçirib.

ABC.AZ xəbər verir ki, bu barədə Reuters-ə ölkənin Mərkəzi Bankının rəhbəri Abdul Kader Husriye bildirib. Ödəniş 15 iyun tarixində edilib və Husriyenin sözlərinə görə, dünya maliyyə sisteminə qayıtmaq istəyən Dəməşq üçün çox vacibdir.

2011-ci ildən Suriya vətəndaş müharibəsi vəziyyətindədir. Bundan əlavə, Dəməşqə qarşı Qərb sanksiyaları, o cümlədən neft idxalına embarqo tətbiq edilib. İyunun əvvəlində yerli Mərkəzi Bankın rəhbəri əhalinin dövlət maliyyə sisteminə inamını bərpa etmək üçün bir sıra tədbirlər elan etmişdi. O, digər məsələlər arasında, ölkənin SWIFT sisteminə yenidən qoşulduğunu elan etmişdi.