15:16 - 10.10.2025

---

10 oktyabr, Fineko/abc.az. Lüksemburq, suveren sərvət Fondunun bir hissəsini rəsmi olaraq bitkoinə yatıran ilk avrozona ölkəsi oldu.

ABC.AZ xəbər verir ki, Dövlət Nəsillərarası Suveren Fondu (FSIL) aktivlərinin 1%-ni bitkoin ETF-yə yatırıb ki, bu da AB-də mühafizəkar dövlət investorları üçün presedentdir. Bu barədə Lüksemburqun maliyyə naziri Gilles Roth 2026-cı il büdcəsinin təqdimatı zamanı bildirib.

2014-cü ildə gələcək nəsillər üçün ehtiyat toplamaq üçün yaradılan Lüksemburq Nəsillərarası Suveren Fondunun (FSIL) 730 milyon dollar dəyərində aktivləri var. Bitkoinə investisiya bu məbləğin 1%-ni və ya təxminən 7,3 milyon dollar təşkil etmişdir.