11:36 - 15.10.2025

---

15 oktyabr, Fineko/abc.az. 2025-ci ilin altı ayında Azərbaycanda sahibkarlıq fəaliyyəti ilə məşğul olan qadınların sayı 330 mindən çox olub.

ABC.AZ xəbər verir ki, bunu KOBİA-nın İdarə Heyəti sədrinin birinci müavini Samir Hümbətov "Türk dünyasında qadınların gücü" adlı tədbirdə çıxışı zamanı deyib.

Onun sözlərinə görə, bu da ötən illə müqayisədə təxminən 7 % artım deməkdir:

"2025-ci il yanvarın 1-nə olan məlumata əsasən, ölkəmizdə məşğul əhalinin 48 %-ni qadınlar təşkil edir. Fəaliyyətdə olan fərdi sahibkarların 23 %-dən çoxu qadındır. 2024-cü ildə təsisçisi qadın olan 2 800-ə yaxın KOB subyekti qeydiyyatdan keçib. Bu da Azərbaycanda qadın sahibkarlığının inkişaf etdiyini və bundan sonra da inkişaf edəcəyini göstərir".