16:00 - 3.11.2025

---

3 noyabr, Fineko/abc.az. ABŞ "kritik vacib" mineralların "ədalətli" ticarəti üçün "ölkələr klubu" yaratmağa başlayıb.

ABC.AZ xəbər verir ki, bunu Amerikanın daxili işlər naziri, Milli Enerji Şurasının sədri Daq Berqam Abu Dabidə ADİPEC Neft və Qaz sərgisinin açılışında deyib.

Son iki həftə ərzində Yaponiya, Cənubi Koreya, Malayziya, Avstraliya və Tayland da daxil olmaqla altı ölkə bu kluba qoşulub.

Berqam qeyd edib ki, bu cür resurslara çıxış süni intellektin və yüksək texnologiyaların inkişafı üçün lazımdır.

Eyni zamanda, Çin 8 noyabrdan etibarən nadir torpaq elementləri və litium materialları ilə əlaqəli bir sıra mallara ixrac nəzarəti tətbiq edəcək.