09:29 - 12.11.2025

---

12 noyabr, Fineko/abc.az. Çərşənbə günü keçirilən hərraclarda etalon markaların qiyməti aşağı düşür.

Brent markalı neftin yanvar fyuçersləri ICE Futures birjasında saat 09:27-ə olan məlumata əsasən $0,22 (0,34%), bir barel üçün $64,94-a düşdü. Noyabrın 11 – də keçirilən hərracların nəticələrinə görə, Brent neftinin yanvar fyuçersləri $1,10 (1,72%) artaraq bir barel üçün $65,16-a çatıb.

Saat 09:27-ə olan məlumata əsasən NYMEX əmtəə birjasının ticarətində WTI neftinin dekabr fyuçersləri $0,23 (0,38%) azalaraq bir barel üçün $60,81-a düşüb. 11 noyabr ticarətinin nəticələrinə görə,  WTI neftinin dekabr fyuçersləri $0,91 (1,51%) – bir barel üçün $61,04-a yüksəlib.

Ötən həftə Brent markalı neft 1,76%, WTI isə 2,02% ucuzlaşıb.