16:10 - 12.11.2025

---

12 noyabr, Fineko/abc.az. Ermənistan Ukrayna məhsullarının xeyrinə Rusiya taxılından imtina etməyəcək.

ABC.AZ xəbər verir ki, bu barədə Ermənistanın Baş naziri Nikol Paşinyan bildirib.

Bundan əvvəl Rusiya Xarici Kəşfiyyat Xidməti İrəvanın Avropa İttifaqının vəsaiti hesabına daha bahalı Ukrayna taxılının xeyrinə Rusiya taxılından imtina edəcəyini bildirmişdi. Ermənistan siyasi səbəblərə görə belə addımlar atacaq. "Ola bilməz", -  deyə Paşinyan bu məlumatı şərh edərkən bildirib. Baş nazir mesajı "tam bir anlaşılmazlıq" adlandırıb.

Ötən həftə Rusiyadan Azərbaycan və Gürcüstan vasitəsilə Ermənistana 15 vaqon buğda gəlib, yaxın aylarda daha 130-dan çox vaqonun göndərilməsi planlaşdırılır.