15:54 - 13.11.2025

---

13 noyabr, Fineko/abc.az. Yaponiya tədqiqatçıları il boyu təzə, yüksək keyfiyyətli edamame paxlası (tərəvəz soya) istehsal etmək üçün LED işıqlı hidroponik böyümə sistemi hazırlayıblar.

ABC.AZ xəbər verir ki, Hosei Universiteti və Tokyo Universitetinin alimləri aşkar ediblər ki, süni işıqlandırma və qidalandırıcı təbəqə texnologiyası (NFT) ilə təchiz edilmiş fabriklərdə edamamenin yetişdirilməsi, daha çox qabıq və toxum sayəsində açıq sahədə yetişdirilməyə nisbətən daha yüksək məhsuldarlıq verir. Bu cür fabriklər iqlimdən asılı olmayaraq il boyu sabit məhsul əldə etməyə imkan verir.

Qidalandırıcı təbəqə metodu (NFT), digər böyümə üsulları ilə müqayisədə ən güclü böyümə və daha yüksək keyfiyyətli edamame yetişdirməyə imkan verib. Bitkilərin güclü gövdələri, sağlam yarpaqları və daha çox şəkəri var idi ki, bu da dadı və qidalanmasını yaxşılaşdırırıb. Alimlər qeyd edirlər ki, texnologiya şaquli təsərrüfatlara və şəhər kənd təsərrüfatına uyğundur, bütün il boyu davamlı məhsul istehsalını və hətta səhradan kosmosa qədər ekstremal şəraitdə istifadə perspektivlərini təmin edir.