12:00 - 13.11.2025

---

13 noyabr, Fineko/abc.az. 12 noyabr 2025-ci il tarixində Amerika taxıl birjalarında aparılan hərraclarda əksər mövqelərdə müsbət dinamika müşahidə edilib.

ABC.AZ xəbər verir ki, CBOT (Çikaqo) birjasında qarğıdalı kotirovkaları 3,25 ¢ (0,75%) artaraq 435,25 ¢/bsh təşkil edib, yulaf isə 1,25 ¢ (0,41%) bahalaşaraq 306,25 ¢/bsh olub. Yumşaq qırmızı dənli qış buğdasının (SRW) qiyməti dəyişməyərək 536,00 ¢/bsh səviyyəsində qalıb.

KCBT (Kanzas) birjasında sərt qırmızı dənli qış buğdasının (HRW) kotirovkaları 1,75 ¢ (0,33%) artaraq 525,50 ¢/bsh təşkil edib. Eyni zamanda, CBOT-da uzun dənli düyü 0,05 dollar (0,47%) ucuzlaşaraq 10,56 usd/cwt təşkil edib.
Ümumiyyətlə, taxıl bazarı günü cüzi, lakin əsasən artan kotirovka hərəkəti ilə başa vurub.