15:59 - 16.12.2025

---

16 dekabr, Fineko/abc.az. Süni intellektə artan maraq atom elektrik stansiyaları üçün uran yanacağına tələbi yüksəldib.

ABC.AZ xəbər verir ki, yanacaq uranının qiymətləri demək olar ki, 20 ilin maksimumuna çatıb, 2040-cı ilə qədər isə bazarın tələbi 150 000 tonadək ikiqat arta bilər.

Əvvəllər nüvə energetikasına marağın azalması yeni yataqların işlənməsini ləngitmişdi, yaxın illərdə bir çox fəaliyyət göstərən mədənlər tükənəcək. İndi isə qiymətlərin artması yeni yataqların kəşfi və istehsalın artırılması üçün stimul yaradır. Uzunmüddətli müqavilələr funt başına 86 ABŞ dolları ilə bağlanır ki, bu da spot qiymətlərdən ($75,85) yüksəkdir və 2008-ci ildən bəri maksimum səviyyədədir.

Uran AES xərclərinin təxminən 20 %-ni təşkil edir, lakin qiymət artımı investorlarda bu sahəyə marağı artırır.