14:23 - 9.01.2026

---

9 yanvar, Fineko/abc.az. Müvəqqəti prezident Delsi Rodriguez dövlət katibi Marko Rubio ilə müntəzəm birbaşa əlaqə saxlayır.

ABC.AZ xəbər verir ki, hər iki ölkənin birgə ekspert qrupları Vaşinqtona əvvəllər məhdudlaşdırılan 30-50 milyon barel nefti ötürmək üçün sanksiyaların və bürokratik maneələrin aradan qaldırılması üzərində işləyirlər.

Tərəflərin əsas məqsədi Venesueladakı vəziyyəti neft tədarüklərini və maliyyə axınını qoruyaraq sabitləşdirməkdir.

Bundan əvvəl ABŞ prezidenti Donald Tramp yanvarın 9-da Venesuelanın neft sənayesinə ən azı 100 milyard dollar sərmayə qoymağı planlaşdıran neft şirkətlərinin rəhbərliyi ilə görüş keçirəcəyini bildirmişdi. Söhbət Exxon Mobil, ConocoPhillips və Chevron neft korporasiyalarından gedir — Tramp onlarla Venesuelada neft hasilatının artırılması yollarını müzakirə edəcək.