11:01 - 21.01.2026

---

21 yanvar, Fineko/abc.az. Çərşənbə günü səhər saatlarında qızılın qiyməti 1,5% artır, cari ticarət sessiyası zamanı bu göstərici bir troya unsiyası üçün 4 850 dollardan yuxarı yeni rekord səviyyəyə çatıb.

ABC.AZ xəbər verir ki, bu barədə birja ticarətinin məlumatlarında deyilir.

Bakı vaxtı ilə saat 09:14-ə olan məlumata görə, Nyu-Yorkun “Comex” birjasında qızılın fevral fyuçersinin qiyməti əvvəlki bağlanışla müqayisədə 80,86 dollar və ya 1,7% artaraq bir troya unsiyası üçün 4 847,8 dollara çatıb. Ticarət gedişatında göstərici tarixi rekordu yeniləyərək 4 852,06 dollar təşkil edib.